ਮਾਂ ਖੁਸ਼ ਸੀ ਬਹੁਤ ਹੋਈ
ਜਦ ਦਾਤੇ ਪੁੱਤ ਦੀ ਦਾਤ ਸੀ ਦਿੱਤੀ
ਕੌਣ ਜਾਣਦਾ ਸੀ ਪੁੱਤ ਕਿਹੜੇ ਰੰਗ ਵਿਖਾਊ
ਮਾਂ ਨੇ ਤਾ ਪੀੜਾ ਦੇ ਕੇ ਦਿੱਤਾ ਸੀ ਜਨਮ
ਮਾਂ ਓਦੋਂ ਵੀ ਸੀ ਰੋਂਦੀ
ਜਦ ਧੀ ਜੰਮਣ ਦਾ ਡਰ ਸੀ
ਮਾਂ ਅੱਜ ਵੀ ਏ ਰੋਂਦੀ
ਜੱਦ ਪੁੱਤ ਦੇ ਮੋਹ ਨੂੰ ਮਾਰੀ ਸੀ ਧੀ
ਮਾਂ ਓਦੋਂ ਵੀ ਸੀ ਰੋਂਦੀ
ਜੱਦ ਪੁੱਤ ਰੋਟੀ ਨਹੀਂ ਸੀ ਖਾਂਦਾ
ਮਾਂ ਅੱਜ ਵੀ ਏ ਰੋਂਦੀ
ਜੱਦ ਪੁੱਤ ਰੋਟੀ ਨਹੀਂ ਖਵਾਉਂਦਾ
ਮਾਂ ਓਦੋਂ ਵੀ ਸੀ ਰੋਂਦੀ
ਜੱਦ ਸੁਪਨਾ ਪੁੱਤ ਦਾ ਸੀ ਟੁੱਟ ਜਾਂਦਾ
ਮਾਂ ਅੱਜ ਵੀ ਏ ਰੋਂਦੀ
ਜੱਦ ਪੁੱਤ ਸੁਪਨੇ ਚ ਵੀ ਮਾਂ ਵੇਖ ਨਹੀਂ ਸੁਖਾਉਂਦਾ
ਮਾਂ ਓਦੋਂ ਵੀ ਸੀ ਰੋਂਦੀ
ਜੱਦ ਬੇਗਾਨੇ ਪੁੱਤ ਨੂੰ ਸੀ ਮਾੜਾ ਕਹਿ ਜਾਂਦੇ
ਮਾਂ ਅੱਜ ਵੀ ਏ ਰੋਂਦੀ
ਜੱਦ ਆਪਣਾ ਪੁੱਤ ਬੇਗਾਨਿਆਂ ਸਾਹਮਣੇ
ਜੁੱਤੀ ਲੈ ਕੇ ਪੈ ਜਾਂਦਾ
By: Ms. Harmeet Kaur
No comments:
Post a Comment