ਹਾਸਿਆਂ ਦੇ ਮੁੱਲ ਪੈ ਜਾਂਦੇ ਸੱਜਣਾ ,
ਹੰਝੂਆਂ ਦਾ ਮੁੱਲ ਨਾ ਜਾਨੇ ਕੋਈ ,
ਮੁੱਲ ਇਸ਼ਕਾਂ ਦੇ ਪੈ ਜਾਂਦੇ ਸੱਜਣਾਂ ,
ਮੁੱਲ ਜੋਗ ਦਾ ਨਾ ਕਹਿ ਸਕੈ ਕੋਇ ,
ਮੁੱਲ ਚੜ੍ਹ ਜਾਂਦੇ ਆਲ੍ਹਣੇ ਪੰਛੀਆਂ ਦੇ,
ਅਸਮਾਨਾਂ ਦਾ ਮੁੱਲ ਨਾ ਜਾਨੇ ਕੋਇ,
ਸੁਰਾਂ ਦੇ ਮੁੱਲ ਪੈ ਜਾਂਦੇ ਅਕਸਰ ,
ਹੌਕਿਆਂ ਦਾ ਮੁੱਲ ਨਾ ਪਾਵੇ ਕੋਈ ,
ਪੈ ਜਾਂਦੇ ਮੁੱਲ ਹੁਸਣਾਂ ਦੇ ,
ਸੱਜਣਾ ...
ਸੀਰਤਾਂ ਦਾ ਮੁੱਲ ਕਿਸੇ ਪਾਸ ਨਾ ਹੋਏ,
ਮੁੱਲ ਪੈ ਜਾਂਦੇ ਇਮਾਨਾਂ ਦੇ ਅਕਸਰ .,
ਅਮਲਾਂ ਵਾਲਿਆਂ ਦਾ ਮੁੱਲ ਨਾ ਕੋਇ,
ਮੁੱਲ ਪੈ ਜਾਂਦੇ ਉਮਰਾਂ ਦੇ …
ਓ ਸੱਜਣਾ ...
ਉਮਰੀਂ ਉਡੀਕਾਂ ਦਾ ਮੁੱਲ ਨਾ ਕੋਇ ...
ਉਮਰੀਂ ਉਡੀਕਾਂ ਦਾ ਮੁੱਲ ਨਾ ਕੋਇ ...
ਲਿਖ਼ਤ- ਨਿਸ਼ਾ ਸ਼ਰਮਾ
No comments:
Post a Comment